НЬЮ-ЁРК. Заходнія дабрачынныя і праваахоўныя арганізацыі занепакоеныя маштабамі магчымай гуманітарнай катастрофы ў Іраку. Яны лічаць, што ў выніку вайны ў Іраку ўцекачамі могуць стаць каля мільёну чалавек.Камісарыят ААН у справах уцекачоў выдзяліў Ірану адзін мільён даляраў на дапамогу ўцекачам. Нямеччына выказала жаданьне перадаць 10 мільёнаў эўра на гэтыя мэты.