ВАШЫНГТОН. Міністар абароны Злучаных Штатаў Дональд Рамсфэльд заявіў, што ў бліжэйшы час саюзныя сілы распачнуць наступ “нябачаных дагэтуль памераў”. Рамсфэльд заклікаў ірацкіх вайскоўцаў не выконваць загадаў сваіх кіраўнікоў – асабліва калі яны маюць на ўвазе ўжываньне зброі масавага зьнішчэньня. Ірацкае тэлебачаньне паведаміла, што сілы супрацьпаветранай абароны зьбілі ваенны гэлікоптар Злучаных Штатаў, аднак гэтая інфармацыя не пацьверджаная зь незалежных крыніцаў.