БРУСЭЛЬ
Прадстаўнікі Эўразьвязу сёньня пацьвердзілі, што ў тэлефонных апаратах у памяшканьні Рады міністраў былі знойдзеныя падслухоўваючыя прыстасаваньні, гэтак званыя “жучкі”. З гэтай нагоды цяпер праводзіцца адмысловае расьследваньне. Дыпляматы кажуць, што праслухоўваліся телефонныя апараты, што зьвязваюць прадстаўнікоў Нямеччыны, Францыі, Брытаніі, Гішпаніі, Італіі і Аўстрыі. Заўтра ў Бруселі павінен пачацца саміт кіраўнікоў дзяржаваў Эўразьвязу.