СЭКТАР ГАЗА. Ізраiльскiя вайскоўцы сёньня затрэлiлi трох палестынскiх ваяўнiкоў i 16-гадовага хлопца падчас двух асобных сутыкненьняў у Сэктары Газа. Паводле палестынскiх мэдыкаў, падлетка застрэлiлi падчас сутыкненьняў у лягеры ўцекачоў Джабал’я на поўнач ад гораду Газа.
Тым часам мiнiстар палестынскага ўраду Саеб Эрэкат сёньня абвесьцiў, што палестынскi лiдэр Ясэр Арафат прапанаваў пасаду прэм’ер-мiнiстра Махмуду Абасу, намесьнiку кiраўнiка Арганiзацыi вызваленьня Палестыны. Дагэтуль у палестынскiм урадзе не было пасады прэм’ер-мiнiстра.