Ерэван Сёньня ў Армэніі адбыўся другі тур прэзыдэнцкіх выбараў. За пасаду прэзыдэнта змагаліся дзейны кіраўнік дзяржавы Робэрт Качаран і адзін з лідэраў апазыцыі Сьцяпан Дземірчан. У галасаваньні ўзялі ўдзел каля 55% выбаршчыкаў. Апазыцыя заяўляе пра наяўнасьць шматлікіх парушэньняў падчас выбараў. За ходою галасаваньня ў Армэіі сачылі 500 міжнародных назіральнікаў. Падчас сёньняшняга галасаваньня Сьцяпан Дземірчан заявіў, што яно не зьяўляецца ані справядлівым, ані дэмакратычным.