КІЕЎ. Афіцыйны Кіеў прапанаваў Маскве ўвесьці з 1 студзеня 2004 году новы спосаб перасячэньня ўкраінска-расейскай мяжы, які мае на ўвазе наяўнасьць замежнага пашпарту. Цяпер, грамадзяне дзьвюх краінаў могуць наведваць тэрыторыю адно аднаго як па замежных, так і па ўнутраных пашпартах. Пры гэтым вайскоўцы могуць перасякаць мяжу пры наяўнасьці пасьведчаньня пра асобу а дзеці – пасьведчаньня пра нараджэньне.