ВАРШАВА. Мінулае ночы польскія памежнікі затрымалі групу з 13 чачэнцаў і мясцовага правадніка, якія спрабавалі нелегальна перайсьці мяжу ў Нямеччыну. Група складалася з 6 дзяцей ва ўзросьце ад аднаго да пятнаццаці гадоў, жанчынаў і двух мужчынаў. Усе яны раней прасілі ў Польшчы палітычнага прытулку. Затрыманыя, пасьля папярэдняга сьледства будуць накіраваныя ў цэнтар для перамешчаных асобаў, а справу правадніка перададуць у пракуратуру. Яму пагражае трохгадовае зьняволеньне.