АНКАРА. Турэцкі парлямант перанёс на сыботу дэбаты ў пытаньні разьмяшчэньня на тэрыторыі краіны войска Злучаных Штатаў у выпадку вайны супраць Іраку. Паводле прадстаўніка уладнай Партыі справядлівасьці і разьвіцьця ўрад працягвае абмяркоўваць з апазыцыяй умовы пагадненьня са Злучанымі Штатамі. Раней габінэт міністраў ухваліў дыслякацыю ў Турэччыне 62 тысячаў вайскоўцаў ЗША на шасьцімесячны тэрмін. У выпадку вайны ў Іраку яны адкрыюць так званы “паўночны фронт”.