Лінкі ўнівэрсальнага доступу

[ 07:02 ]  Кофi Анан спрабуе наладзiць перамовы на Кiпры


НІКАСІЯ. Генэральны сакратар ААН Кофi Анан накiроўваецца на Кiпр. Ён спрабуе наладзiць перамовы аб аб’яднаньнi гэтай выспы, падзеленай на дзьве часткi. Выступаючы ўчора ў Атэнах, Анан сказаў, што спадзяецца на хуткае пераадоленьне рознагалосьсяў. Ён аднак папярэдзiў лiдэраў грэцкай i турэцкай частак Кiпру, што час хутка сыходзiць i можна згубiць гiстарычны шанец на аб’яднаньне пасьля 29-гадовага падзелу. Сёньня Анан мае прадставiць лiдэрам дзьвюх частак Кiпру канчатковы варыянт мiрнага пляну ААН. Аднак абодва бакi маюць свае пярэчаньнi супраць гэтага пляну. Кiпрыётаў-грэкаў турбуе пункт, якi дазволiць вярнуцца на выспу толькi 20 тысячам уцекачоў, якiя пакiнулi Кiпр, пасьля таго, як Турэччына акупавала яго паўночную частку. Лiдэр кiпрыётаў-туркаў Раўф Дэнкташ настойвае на мiжнародным прызнаньнi турэцкай часткi Кiпру.
XS
SM
MD
LG