БРУСЭЛЬ. Мiнiстры замежных справаў Эўрапейскага зьвязу, якiя сабралiся ў Брусэлi, абмеркавалi шляхi да стратэгiчнага партнэрства з Расеяй. Джордж Папандрэў, мiнiстар замежных справаў Грэцыi, якая цяпер старшынюе ў Эўразьвязе, заявiў, што адносiны з Расеяй ёсьць важным прыярытэтам для гэтай арганiзацыi. На сустрэчы таксама падымалася пытаньне аб Чачэнii. Паводле Папандрэў, сытуацыя ў Чачэнii застанецца тэмай для абмеркаваньня, аднак Эўразьвяз хоча падкрэсьлiць агульны прагрэс у адносiнах з Расеяй.