КІЕЎ. Амбасадар Злучаных Штатаў ва Ўкраіне Карлас Паскуаль перадаў сёньня ноту амэрыканскага ўраду прэзыдэнту Ўкраіны Леаніду Кучму і міністру замежных справаў Анатолю Злэнку. Злучаныя Штаты зьвяртаюцца да ўкраінскага ўраду з просьбай накіраваць у Ірак адмысловы ўкраiнскi батальён, які спэцыялізуецца на барацьбе з хімічнай, бактэрыялягічнай ды іншай зброяй. Батальён плянуецца выкарыстаць у часе ліквідацыі наступстваў меркаваных ірацкіх нападаў з выкарыстаньнем зброі масавага зьнішчэньня.