ГААГА. Сёньня ў міжнародным судзе пачаліся слуханьні ў працэсе “Іран супраць Злучаных Штатаў”. Тэгеран абвінавачвае ЗША ў разбурэньні іранскіх нафтавых установак у 1987 годзе. Устаноўкі былі разбураныя амэрыканскімі ракетамі, што былі запушчаныя з караблёў у Пэрсыдзкай затоцы. Вашынгтон, у сваю чаргу, заяўляе, што тое быў адказ на папярэднi напад зь іранскага боку. Цягам трох тыдняў бакі мусяць прадставіць свае доказы ў суд.