МЮНХЭН. Нямеччына й Францыя зьбіраюцца падаць Радзе Бясьпекі ААН плян, які проадугледжвае разьмяшчэньне ў Іраку ААНаўскага войска для падвышэньня эфэктыўнасьці працы інспэктараў. Галоўная мэта нямецка-францускай ініцыятывы – недапусьціць вайны ў Іраку. Пра гэта сёньня заявіў міністар абароны Нямеччыны Пэтэр Штрук. Паводле ягоных словаў, такі плян распрацаваны сумесна канцлерам ФРГ Гэрхардам Шродарам і прэзыдэнтам Францыі Жакам Шыракам. Пры гэтым міністар ня выключыў удзелу нямецкага вайсковага кантынгэнту ў апэрацыі ААН у Іраку. Штрук адзначыў, што сёньня новы плян Шродар абмяркуе з расейскім прэзыдэнтам Пуціным, які цяпер візытуе ў Бэрліне.