ВАШЫНГТОН. Дзяржсакратар ЗША Колін Паўэл заявіў, што ў сераду, перад паседжаньнем Рады бясьпекі ААН, прадставіць доказы таго, што Ірак мае зброю масавага зьнішчэньня. Георгі Папандрэў, міністар замежных справаў Грэцыі, якая старшынюе ў Эўразьвязе, сёньня заклікаў Ірак ухапіцца за “слабы шанец” пазьбегнуць вайны. Ужо болей як 90 тысячаў амэрыканскіх вайскоўцаў сканцэнтраваліся ў зоне Пэрсыцкай затокі, рыхтуючыся да магчымай ваеннай акцыі супраць Іраку.