ПХЭНЬЯН. Пхэньян пагадзiўся сёньня з тым, каб некаторыя праходы ў дэмiлiтарызаванай зоне памiж Паўночнай i Паўдзённай Карэямi кантралявалiся мiратворцамi ААН. Гэтакiм чынам, зьнiкае галоўная перашкода на шляху ўвасабленьня ў жыцьцё мiжкарэйскага пагадненьня пра аднаўленьне дарожнай сувязi памiж дзьвюма дзяржавамi. Адмысловы прадстаўнiк Сэўлу тым часам мае перамовы ў КНДР ва ўрэгуляваньнi крызысу вакол паўночнакарэйскай ядзернай праграмы.