ВАШЫНГТОН. ЗША заявiлi, што адмова Багдаду дазволiць iнспэктарам ААН пагутарыць зь iрацкiмi вайсковымi адмыслоўцамi, можа наблiзiць сiлавую апэрацыю супраць Іраку. Багдад тлумачыць, што навукоўцы самi адмаўляюцца ад прыватных размоваў зь iнспэктарамi. У пятнiцу прадстаўнiк МАГАТЭ Марк Гвазьдзецкi заявiў агенцтву “Рэйтэр”, што праект дакладу пра вынiкi працы экспэртаў у Іраку, якi ў панядзелак павiнен быць перададзены ў Раду Бясьпекi ААН, пакуль не гатовы. Ён таксама адзначыў, што iнспэкцыi, хутчэй за ўсё, будуць прызнаныя як здавальняючыя.