ВАШЫНГТОН
Прэзыдэнт ЗША Джордж Буш выказаў расчараваньне нежаданьнем саюзьнікаў Злучаных Штатаў выкарыстаць ваенную сілу супраць Іраку, заявіўшы, што Садаму Хусэйну было дадзена дастаткова часу для разбраеньня. “Ён хоча гуляць у хованкі. Ён хоча сканцэнтраваць увагу сьвету на інспэктарах. Аднак справа не ў інспэктарах – справа ў разбраеньні Іраку” – сказаў Буш. Прэзыдэнт ЗША заявіў, што Злучаныя Штаты ўзначаляць кааліцыю краінаў, гатовых раззброіць Ірак.