СЭУЛ. Працягваюцца дыпляматычныя спробы ўрэгуляваць крызыс вакол ядзернай праграмы Паўночнай Карэi. Сёньня амбасадар ЗША ў Сэуле Томас Хабард заявiў пра гатовасьць Вашынгтону да шырокага эканамiчнага супрацоўнiцтва з Пхэньянам пры ўмове адмовы КНДР ад ядзернай праграмы. Сёньня ж у Токiё памочнiк дзяржсакратара ЗША Джэймс Кэлi абмеркаваў сытуацыю зь мiнiстрам замежных справаў Японii Ёрыка Кавагуцi, а ў Пхэньяне намесьнiк мiнiстра замежных справаў Расеi Аляксандар Ласюкоў меў перамовы зь вiцэ-прэм’ерам КНДР Чо Чан Докам.