МЕНСК. Сёньня расейскі прэзыдэнт Владзімір Пуцін возьме ўдзел у паседжаньні Вышэйшага дзяржаўнага савету Саюзу Беларусі й Расеі ў Менску. Паводле прэсавай службы расейскага прэзыдэнта, асноўнай тэмай перамоваў Пуціна з Лукашэнкам будуць эканамічнае супрацоўніцтва і розныя варыянты далейшай інтэграцыі дзьвюх краінаў. Ад пачатку 2004 году Расея і Беларусь павінны перайсьці на адзіную валюту – расейскі рубель. У той самы час паміж Менскам і Масквой застаецца шмат рознагалосьсяў у шэрагу эканамічных і палітычных пытаньняў.