ПАРЫЖ. Французкi прэзыдэнт Жак Шырак заявiў сёньня, што толькi Рада Бясьпекi ААН можа даць дазвол на ваенную апэрацыю супраць Іраку на падставе справаздачы ваенных iнспэктараў ААН. Шырак падкрэсьлiў, што мiжнародным iнспэктарам у Іраку трэба даць час, неабходны дзеля завяршэньня працы. Гэтыя заявы прэзыдэнт Францыi зрабiў пасьля сустрэчы з кiраўнiком камiсii ААН у раззбраеньнi Іраку Гансам Блiксам. Учора iнспэктары знайшлi ў Іраку 11 боегаловак для хiмiчнай зброi, пра якiя няма ўзгадкi ў справаздачы Багдаду пра свае ваенныя праграмы.
Сёньня ЗША назвалi гэтую знаходку вельмi сур’ёзнай.