ФАІРФАКС (ЗША). Паводле пастановы суду, адзін з Вашынгтонскіх снайпэраў – 17 гадовы Джон Мальво можа быць асуджаны як дарослы і ў выпадку, калі ягоная віна будзе прызнаная, можа быць пакараны сьмерцяй. Паводле суду, папярэднія слуханьні далі дастаткова матэрыялу, каб абвінаваціць Мальво ў наўмысных забойствах і змове з мэтай тэрактаў. Мальво і ягоны 42-гадовы падзельнік Джон Ален Мухамэд абвінавачаныя ў забойстве 10 чалвек. Яшчэ трох чалавек яны паранілі. Злачынствы адбыліся ў ваколіцах сталіцы ЗША ў леташнім кастрычніку.