[ 04:34 ]  Францыя, Нямеччына й падвойнае прэзыдэнцтва ў Эўразьвязе

ПАРЫЖ. Францыя і Нямеччына дасягнулі пагадненьня ў пытаньні падвойнага прэзыдэнства ў Эўрапэйскім Зьвязе, якое ўлучала б пасаду старшыні Эўракамісыі, якога выбірае Эўрапарлямант і пасаду старшыні Рады, які будзе абірацца сябрамі гэтага воргану Эўразьвязу. Пагадненьне было дасягнутае ў Елісейскім палацы, пасьля нефармальнай вячэры прэзыдэнта Францыі Жака Шырака з канцлерам Нямеччыны Герхардам Шрэдэрам. Абодвы бакі таксама заклікалі адмовіцца ад сыстэмы зьменнага шасьцімесячнага прэзыдэнцтва ў Эўразьвязе і абіраць прэзыдэнта нацыянальнымі лідарамі тэрмінам на пяць гадоў.