КАРАКАС. Прэзыдэнт Венэсуэлы Уга Чавэс абвесьцiў у пятнiцу пра звальненьне тысячы супрацоўнiкаў дзяржаўнай нафтавай кампанii, якiя бяруць удзел у агульнанацыянальным страйку. 40-дзённы страйк з патрабаваньнем адстаўкi Чавэса спаралiжаваў нафтавую прамысловасьць Венэсуэлы – адну з найбуйнейшых у сьвеце. Алжыр накiраваў у Венэсуэлу сваiх адмыслоўцаў, каб дапамагчы аднавiць здабычу нафты. Учора на тэрыторыi алжырскай амбасады ў сталiцы Венэсуэлы выбухнула граната. Нiхто не пацярпеў.