ВАШЫНГТОН. У Злучаных Штатах сёньня павiнны адбыцца кансультацыi памiж прадстаўнiкамi ЗША i Паўночнай Карэi. Адмiнiстрацыя Джорджа Буша дала згоду на сустрэчу былога прадстаўнiка ЗША ў ААН Бiла Рычардсана з Хан Сон Рэлам – намесьнiкам сталага прадстаўнiка КНДР у ААН. Яны абмяркуюць цяперашнi крызыс на карэйскай паўвыспе, якi паўстаў з-за аднаўленьня ядзернай праграмы КНДР.