АНКАРА. Турэччына сёньня заявіла, што перагледзіць сваю палітыку адносна Кіпру, каб адаптаваць яе да намаганьняў ААН ва узьяднаньнi грэцкай і турэцкай частак выспы. Турэцкі ўрад паабяцаў прыняць новы падыход да перамоваў, якія сканцэнтраваліся на прапанове генэральнага сакратара ААН Кофі Анана аб’яднаць Кіпр у фэдэрацыю двух роўных штатаў з агульным урадам. Рашэньне Турэччыны было прынятае пасьля таго, як Грэцыя сёньня заклікала яе заняць болей канструктыўную пазыцыю на перамовах.