КАРАЧЫ. Прэзыдэнт Пакістану Пэрвэз Мушараф сёньня заявіў, што фактычна менавіта пагроза вайны з выкарыстаньнем неканвэнцыйных сродкаў дапамагла пазьбегнуць узброенага канфлікту зь Індыяй. Мушараф паведаміў, што Пакістан папярэдзіў Індыю аб магчымасьці такога адказу на напад. Тым ня меньш, генерал не сказаў адкрыта, што гаворка ішла аб выкарыстаньні атамнай зброі.