ГРОЗНЫ. Паводле апошніх зьвестак, у выніку нападу на будынак адміністрацыі Чачні ў Грозным 83 чалавекі загінула і каля 150 былі параненыя. Кіраўнік чачэнскае адміністрацыі Ахмад Кадыраў абвесьціў трохдзённую жалобу па ахвярах трагедыі. Прэм’ер-міністар Чачні Міхаіл Бабіч паведаміў, што тры супрацоўнікі АМОНу, якія ахоўвалі будынак адміністрацыі, мусяць быць прыцягнутыя да адказнасьці за нядбайнасьць.