ВАШЫНГТОН. Былы дзяржсакратар ЗША Генры Кiсынджэр пайшоў у адстаўку з пасады кiраўнiка камiсii, якая высьвятляе, чаму амэрыканскiя спэцслужбы не змаглi запабегчы тэрактам 11 верасьня летась. Прычына адстаўкi – магчымасьць канфлiкту iнтарэсаў, зьвязанага з прыватным бiзнэсам Кiсынджэра. Ён ачольваў камiсiю меней як 2 тыднi. Прэзыдэнт ЗША Джордж Буш выказаў шкадаваньне i паабяцаў прызначыць новага кiраўнiка камiсii як мага хутчэй.