Эль Кувэйт "Кувэйт лічыць недапушчальнаю форму, у якой Ірак прынес прабачэньні за ўварваньне 1990 году" – заявіў сёньня прадстаўнік кувэйтскага кіраўніцтва. Учора па ірацкім тэлебачаньні была зачытаная заява Садама Гусэйна, у якой ён выказаў шкадаваньне з прычыны ўварваньня ў Кувэйт 12 гадоў таму, аднак патлумачыў гэтыя дзеяньні неабходнасьцю самаабароны. Ірацкі лідэр заклікаў народ Кувэйту далучацца да таго, што ён назваў, “сьвяшчэннай вайною супраць амэрыканскіх акупантаў”.