БЕЛГРАД. Прадстаўнікі Сэрбіі і Чарнагорыі ўчора дамовіліся аб дэталях стварэньня саюзу дзьвюх дзяржаваў. Прапанаваныя і ўзгодненыя канстутыцыйныя зьмены пойдуць у парляманты краінаў. Згодна з канчатковымі дамоўленасьцямі, ствараецца фэдэратыўная дзяржава, якая атрымае адзін голас у Арганізацыі аб’еднаных нацыяў. Сумесная фэдэральная адміністрацыя будзе займацца выключна пытаньнямі абароны і замежных справаў. Будучая фэдэрацыя будзе называцца Сэрбія і Чарнагорыя.