АНТВЭРПЭН. БЭЛЬГІЯ. Тут затрыманыя болей як 120 удзельнiкаў хваляваньняў, якiя ўспыхнулi пасьля забойства маладога настаўнiка мараканскага паходжаньня. Улады цьвердзяць, што злачынства адбылося на пабытовай глебе. У забойстве абвiнавачаны 66-гадовы сусед настаўнiка. Арабскае насельнiцтва выказвае, аднак, упэўненасьць, што забойства мараканца мае расавую падставу. Хваляваньнi ў горадзе адбываюцца другi дзень.