ЛЁНДАН. Фінал конкурсу прыгажосьці “Міс сьвету” будзе нечакана перанесены са сталіцы Нігерыі Абуджы ў сталіцу Вялікай Брытаніі. Гэта стала вядома празь некалькі гадзінаў пасьля таго, як збройныя сілы Нігерыі заявілі, што аднавілі кантроль над сталіцай. На працягу некалькіх дзён у Абуджы адбываюцца сутыкненьні, якія былі справакаваныя ісьлямістамі. Загінула болей за 100 чалавек, амаль 500 былі параненыя.