ВАШЫНГТОН. Злучаныя Штаты сьледам за Эўрапэйскім зьвязам зьбіраюцца ўвесьці забарону на ўезд у краіну для Аляксандара Лукашэнкі і ягонага бліжэйшага атачэньня. Пра гэта паведаміў прадстаўнік дзяржаўнага дэпартаманту ЗША Філіп Рыкер. Паводле ягоных словаў, забарона будзе ўведзеная на знак пратэсту супраць парушэньняў правоў чалавека ў Беларусі і кепскага абыходжаньня беларускіх уладаў з прадстаўнікамі АБСЭ.