ІСЛЯМАБАД. Сёньня ў сталіцы Пакістану гэнэрал Пэрвэз Мушараф прынес прэзыдэнцкую прысягу на чарговы пяцігадовы тэрмін. Мушараф таксама застаецца кіраўніком пакістанскага войска. Гэнэрал прыйшоў да ўлады ў 1999 годзе ў выніку дзяржаўнага перавароту. Сёлета ягоныя паўнамоцтвы пацьвердзіў усенародны рэфэрэндум. Чакаецца, што ў аўторак парлямант Пакістану абярэ новы ўрад.