БРУСЭЛЬ. Камісар у справах Разьвіцьця Эўразьвязу Пол Нільсэн заклікаў Расею не прымушаць чачэнскіх уцекачоў вяртацца ў свае дамы з прычыны жахлівых умоваў жыцьця. Ён супрацівіўся пляну ліквідацыі лягеру для ўцекачоў Акіюрт у Інгушэціі. Камісар адзначыў, што супрацоўнікі дабрачынных арганізацыяў сутыкаюцца з ускладненьнямі і небясьпекай . У прыватнасьці, учора ў Грозным былі выкрадзеныя два супрацоўнікі Чырвонага Крыжа.