ВЕНА. Прэзыдэнт Украіны Леанід Кучма запрасіў новых экспэртаў для праверкі інфармацыі аб продажы Іраку ўкраінскіх радарных установак. Учора група амэрыканскіх і брытанскіх экспэртаў падала ўкраінскім уладам вынікі свайго расьсьледаваньня. Паводле справаздачы, няма пераканаўчых сьведчаньняў таго, што Ўкраіна не прадавала ўзбраеньне Іраку. Выступаючы на прэсавай канфэрэнцыі падчас візыту ў Вену, Кучма заявіў, што хоча мець поўную яснасьць у гэтым пытаньні.