КІЕЎ. Адмысловая справаздача пра меркаваны продаж украінскай зброі Іраку, складзеная на падставе працы 13-асабовай амэрыканска-брытанскай камісіі, не падае пераканаўчых сьведчаньняў пра тое, што Ўкраіна не прадавала зброі Іраку. Такім чынам, Украіна ня здолела пераканаць міжнародных інспэктараў у тым, што абвінавачаньні ў продажы радарных установак Іраку былі беспадстаўныя. Тым часам прэзыдэнт Украіны Леанід Кучма сёньня зноў абвергнуў усе абвінавачаньні і засяродзіў увагу на жаданьні Ўкраіны далучыцца да НАТО.