БРУСЭЛЬ. Міністры фінансаў дзесяці краінаў-кандыдатак на ўступленьне ў Эўразьвяз прынялі сёньня ў Брусэлі супольную заяву з патрабаваньнем лепшых умоваў уступленьня ў блёк. У заяве гаворыцца, што краіны-кандыдаткі хочуць пазьбегнуць поўных выплатаў у бюджэт Эўразьвязу да таго часу, як яны пачнуць атрымваць у поўным аб’ёме сельскагаспадарчыя субсыдыі. Заява сталася адказам на фінансавую прапанову Эўразьвязу, прынятую на брусэльскім саміце 10 дзён таму.