ПАДГОРЫЦА. Сёньня ў Чарнагорыі пачаліся парлямэнцкія выбары. Выбары адбываюцца пасьля палутара гадоў нестабільнасьці ў краіне, спрычыненай няздольнасьцю ўраду Філіпа Вуянавіча стрымаць абяцаньні пра абвяшчэньне незалежнасьці Чарнагорыі ад Югаславіі. Прэзыдэнт краіны Міла Джуканавіч выказаў спадзяваньне, што ўжо заўтра ў Чарнагорыі можа быць сфармаваны новы стабільны праэўрапейскі ўрад, які працягне палітыку рэформаў.