АШХАБАД. Прадстаўнікі Туркмэністану, Афганістану і Пакістану парафавалі ў Ашхабадзе дамову пра будаўніцтва трубаводу для транспартоўкі туркмэнскага прыроднага газу. Газавод пройдзе праз афганскую тэрыторыю да пакістанскіх портаў на ўзьбярэжжы Арабійскага мора. Ягоная працягласьць складзе амаль паўтары тысячы кілямэтраў. Напрыканцы кастрычніка пагадненьне мусіць быць падпісанае лідарамі гэтых трох краінаў. Пакуль не разьвязанае пытаньне пра фінансаваньне праекту. Ягоная вартасьць ацэньваецца ў два мільярды даляраў.