Пхэн’ян. Як стала вядома, напачатку гэтага месяца Паўночная Карэя паведаміла прадстаўнікам ЗША, што яна, насуперак сваім міжнародным абавязкам, працягвае распрацоўку ядзернай зброі. Пхэн’ян прызнаў, што страціла сілу паўночнакарэйска-амэрыканская дамова 1994 году, паводле якой ЗША ў абмен за адмову Паўночнай Карэі ад ваеных ядзерных праграмаў абавязаліся пабудаваць у Паўночнай Карэі два цывільных ядзерных рэактары. Прызынаньне Пхэн’яну выклікала шок у Паўдзенай Карэі і ў Японіі. Урады гэтых краінаў заяўляюць, што нармалізацыя адносінаў з Пхэн’янам пастаўленая пад пагрозу. Разам з тым, яны выказавлі спадзяваньне, што праблему можна вырашыць дыпляматычным шляхам. Такое ж меркаваньне выказаў і Кітай.