КАПЭНГАГЕН. Данія папярэдзіла краіны-кандыдаты на сяброўства ў Эўразьвязе, што ім ня варта разьлічваць на новыя субсыдыі – апрача ўжо заплянаваных. Пэр Стыг Мёльлер – прэм’ер-міністар Даніі, якая цяпер старшынюе ў Эўразьвязе, скарыстаўся з магчымасьці выступіць з гэтым папярэджаньнем у Капэнгагене, дзе сёньня адкрылася нарада ў справе разьвіцьця краінаў Балтыйскага рэгіёну. Сярод іншых тэмаў нарады – праблема Калінінградзкай вобласьці, якая пасьля прыняцьця ў Эўразьвяз Літвы й Польшчы, апынецца адрэзанай ад астатняй часткі Расеі.