ВАШЫНГТОН. Вынікі балістычнае экспэртызы пацьвярджаюць, што забойства, якое адбылося ў пятніцу на бензакалёнцы места Фрэдэрыксбург (ЗША) – было дзясятым злачынствам сэрыйнага забойцы. З 2 кастрычніка ягонымі ахвярамі сталі 8 асобаў і двое былі цяжка параненымі. Паліцыя працягвае пошукі злачынцы. За інфармацыю пра яго ўсталяваная ўзнагарода ў 350 тысячаў даляраў. Справу ўскладняе адсутнасьць сьведкаў злачынстваў. Вядома толькі, што снайпер-забойца трапляе ў ахвяры з аднаго стрэлу.