ВАШЫНГТОН. Сёньня ў сталіцы Злучаных Штатаў – пры падвышаных захадах у бясьпецы – адчыняецца нарада кіраўніцтва Міжнароднага Валютнага Фонду і Ўсясьветнага банку. У цэнтры ўвагі – запаволеньне росту ўсясьветнай эканомікі і дапамога самым бедным краінам. Сёньня ж у Вашынгтоне ізноў чакаюцца масавыя выступы антыглябалістаў. Напярэдадні паліцыя арыштавала блізу 560 дэманстрантаў. Удзельнікі акцыяў абвінавацілі паліцыю ў тым, што яна справакавала сутычкі.