12) ЦН 48. КАПЕНГАГЕН. Лідэры Эўразьвязу і Ўсходняй Азіі распачалі сёньня чацьверты сумесны Форум АСЭМ прысьвечаны палітычным, эканамічным і культурным пытаньням. З азіяцкага боку ў канфэрэнцыі ўдзельнічаюць прадстаўнікі Брунэі, Кітаю, Японіі, Паўдзённай Карэі, Малайзіі, Філіпінаў, Сінгапуру, Тайляндыі і Ветнаму. Адным з асноўных пытаньняў у часе перамоваў будзе праблема прымірэньня паміж дзьвумя карэйскімі дзяржавамі. Заўтра, удзельнікі сустрэчы абмяркуюць таксама сытуацыю ў сьвеце пасьля 11 верасьня. Яны таксама зоймуцца праблемай глябальнай эканомікі а таксама гандлю і інвэстыцыяў паміж Эўропай і Азіяй.