ДУБЛІН Ірляндзкі прэм’ер-міністар Бэрці Эерн абвесьціў, што 19 кастрычніка ў Ірляндыі адбудзецца другі рэфэрэндум у справе пашырэньня Эўрапейскага зьвязу. На леташнім рэфэрэндуме большасьць ірляндцаў прагаласавала супраць пагадненьня, якое дазволіць прыняць у Эўразьвяз да 15 новых краінаў пачынаючы з 2004 году. Акрамя Ірляндыі, астатнія 14 краінаў Эўразьвязу ўжо ратыфікавалі гэтае пагадненьне.