ТБІЛІСІ. Кіраўнік грузінскай разьведкі зьвінаваціў сёньня Расею ў падрыхтоўцы правакацыі. Аўтандыл Ёселіані заявіў, што расейскія спэслужбы плянуюць заслаць у Панкіскую цясьніну на тэрыторыю Грузіі групу чачэнцаў, каб справакаваць баявыя дзеяньні. Расейская агенцыя “Інтэрфакс” паведаміла, што Міністэрства абароны і Фэдэральная служба бясьпекі Расеі абвяргаюць існаваньне такіх плянаў. Сёньня ж грузінскія службы бясьпекі сёньня арыштавалі 12 чачэнцаў падчас апэрацыі ў Панкіскай цясьніне. Таксама паведамляецца, што былі знойдзеныя склады са зброяй. Расейскі ўрад пагражае увесьці ўласныя войскі на тэрыторыю Грузіі, калі грузінскія ўлады ня спыняць дзеяньні чачэнскіх ваяўнікоў.