ЕРУСАЛІМ. Больш за 200 ізраільцаў падпісалі пэтыцыю, адмаўляючыся служыць ў войску на акупаваных палестынскіх тэрыторыях. Яны вінавацяць Ізраіль у ваенных злачынствах і парушэньнях правоў чалавека. На іхную думку, акупацыя даводзіць палестынцаў да адчаю і правакуе акты тэрарызму. Падобную ж пэтыцыю падпісалі амаль 500 рэзэрвістаў. Некалькі дзясяткаў падпісантаў атрымалі ад двух да чатырох тыдняў зьняволеньня. Пяцёра зь іх цяпер за кратамі.