КАБУЛ. Мінулае ночы недалёка ад места Хост, што на ўсходзе Афганістану, адбыўся ракетны абстрэл дзьвюх ваенных базаў Злучаных Штатаў. Пра ахвяры не паведамляецца. Паводле афганскага агэнства “Іслямік прэс”, гэта быў самы інтэнсыўны абстрэл цягам усяго ёснаваньня базаў. Вайсковае кіраўніцтва ЗША падняло ў паветра баявыя самалёты. У нядзелю ў правінцыі Кунар (на ўсходзе Афганістану) у выніку выбуху міны былі параненыя двое вайскоўцаў ЗША.