ПРАГА. Чэскія палітыкі шукаюць выйсьця з крызысу, які пагражае распадам трохпартыйнай кіраўнічай кааліцыі прэм’ера сацыял-дэмакрата Ўладзіміра Шпідлы. Крызыс узьнік учора, калі ў парлямэнце за нястачай аднаго голасу не была прынятая прапанова ўраду аб павышэньні падаткаў для кампэнсацыі наступстваў паводкі. Шпідла прапануе адмовіцца ад свайго мандату належную да кааліцыі дэпутатку Гану Марванаву, якая галасавала супраць урадавага праекту.